KI FAIRE BIZIN FAIRE TAQLEED (SUIVRE ENE IMAM)
Ene personne tous les temps li bizin reste obeir Allah ta’aala
seulement, sa c’est ene vrai message de l’Islam ki pas pou cakave dénié par
personne. En seki concerne sa l’ordre ki fine gagné pou suivre Prophète
Muhammad (s.a.w). C’est necque akoz ki le Prophète Muhammad (S.a.w) li représente
Allah Ta’aala so banne commandement a travers so banne paroles et so banne
actions.
Donc ene musulman bizin suivre Allah et so Prophète Muhammad
(s.a.w) précisément dans tous banne kitsoz, ki ce soit halal (permettre) ou
bien Haraam (interdit), et celui ki suivre ene l’autre appart Allah et so
Prophète et li considère sa l’autre la comme ene kikene ki indépendant depuis
Allah et so Prophète, alors certainement sa personne la li en dehors cadre de
l’Islam. Donc, tous musulman bizin faire ene zeffort pou suivre banne
commandement ki ena dans Quraan et Sunnah.
Ena certaine banne commandement ki ena dans Quraan et
Sunnah ki à la porter de tous banne dimoune pou comprend, sans ene zeffort
appart aussi kapave comprend sa. Sa bane commandement la zotte pas compliqué,
ni ambigu et ni controversé. Pas bizin aukene zeffort en plis pour comprend
zotte et zotte implication.
Par exemple
1. Allah dire :
لَا يَغْتَبْ بَّعْضُكُمْ
بَعْضًا
(Personne pas faire ghibat zot prochain)
Nerport ki sanla ki familier avec la langue arabe pou immédiatement
comprend sa verset quraan la, et le fait ki pena aukene ambiguïté la dans et
pena aukene clash avec aukene les autres valeurs islamique alors li
immédiatement comprit et accepté.
Coumsa même
2. Nabi (s.a.w) fine dire :
Pena aukene priorité pour ene arabe lor ene
non arabe
Sa hadice la aussi li ene hadice nette et claire ki pas
compliqué. Ene ti connaissance élémentaire de la langue arabe suffit pour faire
comprend so signification.
Mais par contre, ena boucou banne commandement dans
Quraan et Sunnah ki ambigüe, en fait ena certaine banne déclaration ki paraitre
contredite avec certaine banne verset coranique et Sunnah.
Par exemple
1. Allah dire :
Et banne madame divorcé bizin attane trois ‘Qurou’
(Baqara 228)
Sa verset Quran la fine fixé quantité le temps ki ene
madame divorcé bizin atane avant li remarié avec ene lot missié et sa c’est
trois Qurou.
Le mot Qurou en arabe capave interprète dans deux façons :
·
Haiz (quand ene madame dans so période).
·
Tuhr (Quand ene madame dans l’état de
propreté).
Si prend premier signification la (Haiz) en considération
alors ene madame divorcé pou bizin atane trois haiz (période) avant li
remarier. Et si prend deuxième la en considération, alors madame divorcé la pou
bizin atane 3 mois so tuhr (propreté) traversé avant li remarier.
Alors laquelle parmi le deux ki appliqué ?
Coumca même Rassoulullah (s.a.w) fine dire dans ene hadice:
Celui ki pas arrêter avec la pratique de
Mukhabarah bizin tandé ki Allah et so Prophète (s.a.w) fine proclame ene la
guerre contre li.
Mukhabarah c’est ene façon spécifique pou faire agriculture, la dans ena ene
agrément entre propriétaire terrain et agriculteur ki fine engagé par
propriétaire la pou cultive so terrain. Dans agrément la zotte fixer quantité
produits ki chaque ene bizin gagner.
Dans l’époque Prophète (s.a.w), Mukhabarah ti pe
pratiquer dans plusieurs forme. Sa hadice ki fine mentionné la haut la li ene
hadice ki bien bref et vague et li pas fine mentionne laquelle Mukhabarah spécifique
ki empêché dans shariah.
3. Rassoulullah (s.a.w) fine dire dans ene l’autre hadice:
Celui ki ena ene imaam, alors imaam la so
recitation c’est so recitation.
(Muattwa Imam Muhammad Pg 96)
Sa hadice la pe indique nous ki quand imaam pe lire dans
namaaz, banne ki pe suivre li bizin reste tranquille. Mais dans ene l’autre hadice
Rassoulullah (s.a.w) dire :
Pena namaz pour ene celui ki pas lire sourah
Al-Faatihah.
(Bukhari Vol 1 Had No. 723)
Sa pe indique nous comsi zotte tous bizin lire surah Al-Faatihah.
Parmi sa deux hadice la Laquelle pou être considéré comme
ene source primaire, premier hadice la ou bien deuxième la, si li premier la,
alors a ce moment la ene celui ki suivre
imaam pas supposé lire par derrière imaam. Et si li deuxième la, alors sa pou
indique nous ki ene ki pe suivre imaam aussi pou bizin lire sourah faatihah.
Sa quelque banne l’exemple la suffit pou montrer nous ki façon
pour tire banne règlements depuis Quraan et Sunnah li capave parfois bien
compliqué.
Solution :
Couma pou sorti depuis sa confision la ? Apparemment ena deux possibilités :
1. 1. Ene c’est ki chaque ene personne capave servi so
propre l’intellect et so logique pou li tombe lor so propre conclusion et a travers
sa li tire so propre la loi.
2. 2. Ene l’autre solution : c’est au lieu ki
nous faire nous propre la loi indépendant, nous guette conclusion de bannes
savants prédécesseur lors sa banne sujets la. Et après avoir ki nous fine
examine l’opinion de banne savants ki nous conné ki plus qualifier, nous fier
lors zotte compréhension et zotte l’idée et nous pratique d’après zotte
conclusion ki zotte fine gagné.
Sa premier option la (cote nous dépanne lor nous propre
recherche), c’est définitivement ene solution ki rempli avec banne difficultés, akoze sa plus
tard nous pou examine li.
Deuxième option la (cote nous dépanne lor banne prédécesseurs
zotte l’opinion) c’est ene option ki ena plus beaucoup précaution, et sa option
la nou pas pe dire li par humilité mais akoze li aussi ene réalité ki personne
pas kapave dénié, en réalité nous ena bien tiguitte ressemblance avec banne
savant de banne premier l’époque. Nous bien loin depuis banne la zotte
connaissance, zotte compréhension, coumsa même zotte l’intelligence, mémoire, morale et zotte
la piété.
En plis de sa, sa banne savant la zotte ti bien proche
avec l’environnement et l’époque cote Quraan fine révélé. Sa fine faire zotte
comprend Quraan et Sunnah dans so intégralité. Et nous, au contraire, nous
sitant loin depuis sa l’époque la, ki nous pena aukene notion de sa l’environnement
et sa langue ki ti prévaloir dans sa l’époque la, koumsa même nous pena la vrai compréhension
concernant contexte dans ki Quraan fine révélé.
Et pourtant tous sa la, c’est banne facteur indispensable pour ene
personne ki envie comprend Quraan et Sunnah.
Apres avoir considère tous sa banne points la, si ene
personne au lieu ki li depanne lor so propre compréhension, li suivre l’opinion
de ene savant dans le passé, dans banne kitsoz ki ambiguë et compliqué, alors
sa veut dire ki li pe faire taqleed de sa savant la. Et taqleed de ene Imam ou
ene Mujtahid li valid seulement dans banne place et banne texte ki ambigu, cote li difficile et compliqué pou comprend
ene règlement depuis Quran et Sunnah. Mais si Quran et Sunna zotte texte neutre et claire et pena aukene ambiguïté ou
complication a ce moment la pena pou faire taqleed de aukene Imam et Mujtahid.
Shaykh Abdul Ghani Nablusi (a.r) ene
grand juriste Hanafi dire:
Dans banne issues ki ena agrément de banne savant, sans
aukene doute la dans pena pou faire taqleed de ene parmi sa quatre Imam la. Par
exemple : Obligation de Namaz, Roza, Zakaat et hajj. Coumsa même adultère,
fornication, consommation la boisson alcoolisée, crime, vole etc zotte
prohibition.Mais dans banne issue ki ena argument de la part de banne savant, c’est
la dans ki bizin faire taqleed.
(Extrait de Khulasatut Tahqeeq fee hukmit taqleed wat talfeeq, pg
4)
Shaikh Khateeb
Al-baghdaadi écrire:
En ceki concerne banne la loi islamique, ena deux catégories.
Premier c’est banne la loi ki déjà connu ki zotte
forme parti du Prophète (s.a.w) so deen. Par exemple 5 fois namaz par jour,
zakaat, roza dans le mois de ramadwaan, hajj, prohibition de l’adultère, la
boisson alcoolisée etc. Pena pou faire taqleed dans sa banne kichose la parceki
c’est banne kitchose ki tous dimoune bizin conner et comprend par zot même.
Deuxième la c’est banne la loi ki bizin comprend et
pratiquement li difficile pou tous dimoune conner. Par exemple banne détail lor
banne règlement namaz, transaction, mariage etc… dans sa banne kitchose la ki
ena pou faire taqleed.
Allah dire dans Sourah An-Nahl (Verset : 43)
Alors demande banne dimoune ki souvient, si
zotte pas conner.
Si taqleed pas ti pou permette dans sa deuxième catégorie
la, sa veut dire tous dimoune ti pou bizin apprane tous sa banne la loi la directement.
Sa ti pou empêche banne dimoune pou alle faire banne lezot travail couma business,
agriculture etc.
Sa faire nous comprend ki, kan nous suivre ene imaam ou
bien ene mujtahid, sa pas veut dire ki
nous pe prend li comme ene source indépendant dans banne la loi shariah et sa
pas veut dire aussi ki nous bizin suivre li en totalité. Mais l’idee dans suivre sa Imaam la c’est pour suivre
Quraan et Sunnah. Seulement pe suivre Quraan et Sunnah dans façon ki sa imaam
la fine comprend Quraan et Sunnah. Sa Imam la li être considéré comme ene
commentateur de la loi Shariah et so interprétation li tenu comme l’autorité.
Akoze sa même pena pou faire taqleed dans banne la loi ki constant et jamais
changé, parceki dans sa qualité la loi la ene personne sans faire taqleed pe fini atteindre so l’objectif dans suivre Allah et so
Prophète. Et sa imaam ki so l’opinion fine être accepté la li être considéré
comme ene interprète et pas comme ene ki pe fabrique la loi, et sa même ki nous
appelle Taqleed.
Ibne Humaam et Ibne Nujaim tous les deux fine
interprète Taqleed dans sa façon suivant la :
Taqleed veut dire suivre l’opinion de ene
personne (k iso l’opinoin li pas ene preuve dans la loi Shariah) sans demande
so preuve.
Sa déclaration la pe clarifié ki sa personne ki pe suivre
ene Imam la, li pas pe prend l’opinion de sa Imam (Mujtahid) la comme ene source
dans la loi Shariah parceki la loi Shariah so sources li restrictif avec Quraan
et Hadeeth. La seule raison ki faire ene mouqallid suivre ene imam c’est akoze
ki sa mouqallid la ena conviction lor sa Imam (mujtahid) la so compréhension
concernant Quraan et Hadeeth et sa mouqallid la li même li pena la potentielle
pour déduire sa loi la depuis Quraan et Hadeeth. Alors sa taqleed la pou
facilite li pou pratique deen.
Dans sa perspective la pas kapave regarde taqleed comme
shirk ou bien suivre aveuglement. Oui, si considère sa Imam la comme ene celui
ki pe fabrique la loi et considère li obligatoire pou obeir li, sa ki pou pou
être envisagé comme shirk.