Imaam Abou Hanifah

KI SANLA IMAAM ABOU HANIFAH (rahmatoullaahi`alaih')?

Zahabi (rahmatoullaahi `alayh) - Vol 1 pg 126-127 No. 163i

Abou Hanifah - le plus grand imaam - faqih (juriste) de Iraq - Nou'man bin Saabit bin Zouta at- Taymi (zotte mawla) al-Koufi.

Li fine né dans l'année 80 (hijri). Li fine trouve Hazrat Anas bin Maalik (n) plusieurs fois quand li fine vine dans Koufah. Sa fine rapporté par Ibn Sa'd depi Sayf bin Jaabir ki li fine tane Abou Hanifah dire sa.

Abou Hanifah fine rapporte hadice depi `Ataa, Naafi', Abdoul Rahmaan bin Hourmouz al-A'raj, `Adi bin Saabit, Salamah bin Kouhail, Abou Ja'afar Mouhammad bin `Ali, Qatadah, `Amr bin Dinaar, Abou Ishaaq et encore beaucoup personnes.

Zoufar bin Houzail, Dawoud at-Taai, Qazi Abou Youssouf, Mouhammad bin Hassan, Assad bin `Amr, Hassan bin Ziyaad al-Loulou, Nouh al-Jaami', Abou Mouti' al-Balkhi et encore beaucoup dimoune fine apprane la jurisprudence (fiqh) avec li.

Abou Hanifah fine acquerir jurisprudence (fiqh) depi Ham-maad bin Soulayman etc...

Waki', Yazid bin Haroun, Said bin As Swalt, Abou `Aassim, Abdoul Raz-zaq, `Oubaidoul-laah bin Moussa, Abou Nou'aim, Abou Abdool Rahmaan al-Mouqri et encore beaucoup personnes fine rapporte hadice depi li. Li (Abou Hanifah) ti ene imaam, ti ena taqwa, ti ene `aalim, ti ene pratiquant, ti pé faire beaucoup `ibaadate et li ti ena grand statut. Li pas ti pé accepté cadeau le roi. Plutôt li ti pé faire commerce et ti pé travail.

Dwiraar bin Sward fine dire ki quelqu'un fine pose question a Yazid bin Haroun: ki ki sanla plus grand faqih (juriste): (Soufyan) As- Sawri ou bien Abou Hanifah?

Li fine dire: Abou Hanifah li plus grand juriste et Soufyan li pli memorise banne hadice.

Ibnoul Moubaarak fine dire: Abou Hanifah li pli grand faqih (juriste) parmi banne dimoune.

Imam As-Shaafe'i fine dire: Dans la domaine de fiqh, banne dimoune zotte depane lors Abou Hanifah. Yazid fine dire: Mo pas fine trouve personne ki plus pieux et pli intelligent ki Abou Hanifah.

Ahmad bin Mouhammd bin al Qassim bin Mouhriz fine rapporté depi Yahya bin Ma' in ki li fine dire: Pena aucaine probleme avec li (Abou Hanifah) (dans rapporte hadith depi li) - personne pas ti mette tache lors li. Certainement Yazid bin 'Omar bin Houbairah fine batte li pou faire li vine juge; mais li fine refuse pou vine juge.

Abou Dawoud fine dire: Ki Allah envoya misericorde lors Abou Hanifah - li ti ene Imaam.

Bishr bin al-Walid fine rapporté depi Abou Youssouf ki li fine dire: (Ene fois) mo ti pé marché avec Abou Hanifah quand ene personne fine dire a ene l'autre. Sa Abou Hanifah sa - li pas dormi a soir. Abou Hanifah fine dire: Par Allah mo pas pou laisse banne dimoune dire ene kitchose lors moi saki mo pas faire. Depi sa li ti pé reste éveillé toute la nuit et li ti pé faire namaz et dou'aa avec devotion.

Az-Zahabi pé dire: Mo fine rassemblé vertus de sa imaam là dans ene livre. Li fine mort dans l'année 150 hijri. Ki Allah satisfait avec li...

Suive ene sel Mazhab

Suive l'interprétation ene sel Imam pou suive Deen c'est ene cadeau. Li vrai ki dans suive ene sel Imam ou pas libre. Mais li bon ou reste pas libre ki ou gagne ene qualité liberté cote shaitaan commence joué avec ou et avec ou Deen. Ou vine ene suiveur de ou désir et ou plaisir. Li pas étonnant ki jordi ou dire ene kitchose haraam ki ou ti dire li faraz hier. Tout depane cote ou l'avantage et l'intérêt été. Pas vive pou ou l'avantage. Vive pou le plaisir Allah Ta'ala. C'est sa même ki nou appelle Ikhlaas ou la sincérité.

Suive imaam

Quand nou pas conné, nou bizin suive ene kikene ki conné. Li tout à fait normal et logique ki nou bizin accompagné par banne ki ena l'expérience et conne la passe quand nou ena pou faire ene trajet dans la mer. Personne pas pou dire le contraire. Coumsa même nou bizin cherche aide avec ene ki conne Deen pou nou capave conné dans sur ki Allah Ta'ala ek so Rassoul (s.a.w) fine dire. Sa pou aide nou pratique Deen couma bizin. Acoze sa même li dans nou l'intérêt ki nou suive ene de sa 4 grand Imaam ki fine comprend très bien ceki Allah Ta'ala ek so Rassoul fine dire.

Sa 4 Imaam ki fine engage zotte la vie dans explique parole Allah Ta'ala et parole Rassouloullah et fine déchiffrer la façon pou applique li, zotte appelle:

1. Imaam Abou Hanifah (rahmatoullahi `alayh) 80-150 H

2. Imaam Malik (rahmatoullahi `alayh) 90-179 H

3. Imaam Shafei (rahmatoullahi `alayh) 150-204 H

4. Imaam Ahmad Bin Hambal (rahmatoullahi `alayh) 164-241 H